Liefrente

Laot mich kieke leif Merieke
laot mich zeen dien sjoon gezich
laot mich heure leif Merieke
wie ’t góng en geit mit dich.

Góng’ veer vrieje leif Merieke
en veer leipe erm in erm
maagde ich dich sjtiekem sjtrieke
maakde’s mich van bènne werm.

Doe waars flök mien leif Merieke
Lenteblömke in de knóp
en diene gank mien leif Merieke
och wie sjoon haw dat geflóp

Mer inèns doe waar ’t euver
’t waar veur dich mer get geplaog
God vergaef mich leif Merieke
doe höbs neit nao mich gevraog

Heur ich noe mien leif Merieke
bès doe witvrouw, en allang ?
maag ich vraoge leif Merieke
maak allein zeen dich ouch wrang?

Wèts te waat mien leif Merieke
veer lègke al ós iezesj in ’t vuur
en d’n AOW mien leif Merieke
geef ós weier ambezjuur.